Само неколку минути откако ја нанела бојата за коса, 38 годишната Џули Мек Кејб се срушила и паднала во кома.

Британката Џули во кома е веќе три недели, а лекарите проценуваат дека има многу малку шанси да преживее. Се претпоставува дека имала алергиска реакција на хемиското средство кое се наоѓало во бојата за коса која ја користела.

Моментално се наоѓа во болница и е приклучена на апарати. Лекарите нејзиниот сопруг Расел го предупредиле дека во случај да преживее, Џули речиси сигурно ќе има трајни оштетувања на мозокот.

Се уште не е докажано дали британката паднала во кома поради бојата за коса, но во болницата во моментот се спроведуваат тестирања дали тоа е причината за несреќниот настан.

Постои оправдан сомнеж, сметаат во болницата, дека хемикалијата para-phenylenediamine (PPD), која се наоѓа во 99% од сите бои за коса, е поврзана со нејзината состојба.

Пред месец дена, по боење на косата умрела 17 годишната Табита Мек Корт, чија смрт се уште се истражува.

Таткото на Џули, Кит Милер рече дека по миење на бојата од косата се пожалила дека не и е добро и дека тешко дише. Сопругот потоа ја однел во болницата, а на патот кон таму и престанало срцето.

Домашните велат дека веќе со години користи боја за коса и дека никогаш немала никакви алергиски реакции. Но, уверени се дека за комата е крив PPD, и велат дека ќе бараат негова забрана.