Освен вообичаеното прекривање на телото, жените во Саудиска Арабија наскоро би можеле да бидат приморани од јавноста да ги кријат и очите.

Оваа исклучително конзервативна исламска држава соопшти дека има право да ги спречи жените да ги откриваат „заводливите“ очи во јавноста, а Комитетот за унапредување на доблестите и спречувањето на пороците веќе подготви нацрт на законот со кој би се вовела оваа мерка.

Предлогот е изнесен откако еден член на овој комитет, откако на улицата го привлекла една жена со исклучително убави очи, се степал со нејзиниот сопруг.

Комитетот, основан во 1940 година со задача да го спречи кршењето на исламските закони во јавноста, повеќе пати е обвинуван за кршење на човековите права, а најлошиот од тие случаи се случил во 2002 година, кога 15 ученици страдале во пожар во едно училиште, затоа што не им било дозволено да ја напуштат зградата бидејќи не биле прекриени во склад со прописите.

Саудијките веќе се обврзани да носат долги црни наметки кои им го прекриваат целото тело, т.н. абаи, да ја покриваат косата, а во поеднечни области и лицето, а забрането им е да возат и да патуваат без одобрение од машки старател.

Доколку се оглуват на овие прописи, покрај паричните казни можат да бидат осудени и на јавно камшикување.