Работник во една фабрика во Соединетите Американски Држави добил отказ поради тоа што одбил да носи налепница на која пишувало 666 од страв да не биде осуден на вечно проклетство.

Били Хајат затоа ја тужел фирмата во која работел, наведувајќи дека во 2009 година е казнет откако одбил да носи налепница на која пишувало дека во фабриката не се случил ниту еден инцидент 666 дена.

Во Библијата тој број е „знакот на ѕверот“ и со него се опишува апокалипсата.

Хајат во тужбата навел дека како предан христијанин му рекол на менаџерот дека со носење на таа налепница би ги прекршил сопствените верувања, на што му е одговорено декатоа само значи дека верувањата му се „смешни“.

Неколку денови подоцна бил суспендиран, за недолго потоа да добие отказ.

Во фабриката „Бери пластикс“ никој не сакал да коментира за тој случај.