Најпрво ти ја краде чантата, а потоа се обидува да ти ја продаде...

Елизабет Кид (36) од Калифорнија фатена е во „филмска“ полициска акција и обвинета за кражба.

Нејзината соседка која сакала да остане анонимна, пред неколку недели преку интернет нарачала чанта и чевли од луксузната трговска куќа „Ниман Маркус“. Пакетот во вредност од околу 2.000 долари требал да и стигне на домашна адреса, но денот на испорака дошол и поминал, а од пакетот ништо.

Соседката станала сомничава и почнала да ги следи сајтовите за модни интернет аукции, мислејќи дека некој сигурно и го „здиплил“ пакетот од куќниот праг.

Кога на сајтот Craiglist пронашла анонимна жена која ја продавала баш таа чанта, и дала лажно име и договорила состанок.

На договореното место во договореното време се појавила нејзината прва соседка Елизабет, на шок на двете страни. Кид е уапсена и обвинета за кражба и обид за препродавање на украдена сопственост.