Судот во Шпанија изрече казна од 30.000 долари за продуцентите на комедијата „Леди Краун“ поради „поттикнување на опасност“.

Причината поради која екипата на филмот „добила по џебот“ лежи во фактот што на постерот со кој се рекламира „Лери Краун“ се гледаат Џулија Робертс и Том Хенкс како возат скутер без кациги.

Шпанскиот закон е јасен по тоа прашање и строго ја забранува „секоја реклама која поттикнува на брзо возење, несовесно возење или возење во спротивност на законските мерки“.

Колумбијската пејачка Шакира се соочи минатата година со ист проблем кога без кацига на моторот се појави во еден видео спот.