Дузина љубовни писма напишани од пејачката Edit Piaf, а упатени кон француски велосипедист, во кои таа ги опишува нејзините сексуални фантазии и се колне дека ќе се откаже од пиењето само заради него, во вторникот биле продадени за 55.000 евра, на една аукција во Париз. Edit Piaf е позната по своите многубројни љубовни афери и зависности, како и по нејзините песни. Некои од песните се посветени на шампионскиот велосипедист Louis Gerardin, а писмата упатени кон него се пишувани во 1951 година, за да една година подоцна му ја посвети и песната „Plus bleu que tes yeux“. Колекцијата исто така содржала и телеграми, потсетни пораки како и писмо од жената на велосипедистот, во кое таа ја нарекува на Edit „мало чудовиште“.