Руската полиција објави снимка од станот во кој пронашле 29 мумии на жени облечени како кукли и фотографија од уапсениот историчар Анатолиј Москвин...

Полицијата во домот на 45 годишниот Москвин пронашла 29 мумии облечени во облека која исто така била украдена од гробиштата.

„Полицијата во станот пронајде 29 кукли во човечка големина кои ги направил лично Москвин, користејќи облека која ја украл од гробиштата и мумифицирани делови од човечки тела“, рече портпаролката на полицијата, Светлана Ковилина.

Во станот се пронајдени само женски тела, а сите преминале на возраст меѓу 15 и 25 години.

„Полицијата ги заплени куклите, поголемиот дел од облеката украдена од гробиштата, надгробните натписи, фотографиите од гробовите кои ги ископал и опсежна литература за тоа како се прават ‘кукли’. Тој е во одредени научни кругови познат како професионалец за гробови“, рече Ковилина.

Фотографиите и надгробните натписи ќе и помогнат на полицијата побрзо да ги идентификува ископаните остатоци.