Една активистка на украинското движење Femen, уапсена е поради топлес протест на булеварот Свети Петар во Ватикан...

Девојката носела натпис „Слобода за жените“ во црна проѕирна блуза која ја соблекла додека верниците и туристи се разминувале по обраќањето на папата Бенедикт XVI.

Полицијата брзо реагирала и уапсила една од петте феминистки на движењето Femen, кои се познати по својот стил на протест.

Феминистичкото движење Femen основано е во 2008 година и од почетокот е присутно во јавноста благодарение пред се на фактот дека неговите членки, во главно студентки, во јавноста настапуваат разголени.

Акциите на Femen најчесто се свртени против т.н. секс туризам и сексизам, а движењето, како што најавија неговите членки, наскоро ќе прерасне во политичка партија и ќе учествува на наредните избори.