Жителите на Лос Анџелес кои поседуваат кучиња ќе мораат да ги научат своите миленичиња да бидат тивки доколку не сакаат да платат парична казна...

Градските власти оваа недела усвоија пропис според кој сопствениците на бучни кучиња ќе плаќаат парична казна од 250 долари, во случај на повторно прекршување - 500 долари, додека секое наредно гласно лаење ќе биде санкционирано со казна од 1.000 долари.

За лаењето да биде окарактеризирано како „претерано“, треба да трае повеќе од 10 минути во континуитет или 30 минути со прекини во период од 3 часа.

Новата мерка ќе почне да се спроведува кон крајот на годината, така што сопствениците имаат неколку седмици своите миленичиња да ги научат да молчат.