Принцезата од Дубаи доживеала непријатност во њујоршкиот хотел Плаза. Крадците од апартманот и украле скапоцени работи во вредност од 230.000 долари...

Принцезата Арва Ал Касими, 25 годишна, случајно ја оставила отворена вратата од својот апартман во споменатиот луксузен хотел, што на крадците, или крадецот, им било доволно да го направат своето.

Ал Касими целиот 12 спрат од хотелот го изнајмила за себе и своите пријатели, а апартманот случајно го оставила отворено цел ден. За работата да биде полоша, надзорни камери во хотелот не се поставени на 12 спрат, туку само во лифтовите, па крадецот заминал незабележан со вредно „богатство“.

Меѓу скапоценостите кои се наоѓале во апартманот биле и рачни торби Шанел и Прада, часовник Ролекс вреден 100.000 долари, Картиер накид, iPad и скапоцен Nokia паметен телефон.

Ал Касими е редовна гостинка на Плаза хотелот, а во Њујорк ќе остане уште неколку недели. Полицијата трага по сторителот.