Судот во Русија вчера пресуди дека породилиштето во градот Копејск мора со по прилиближно 100.000 долари да ги обештети двете семејства, чии ќерки случајно биле заменети по породувањето пред 12 години...

Двете семејства грешката ја откриле дури неодамна, кога еден од татковците одбил да плаќа издржување за својата ќерка велејќи дека таа не личи на него. Неговите сомнежи во почетокот на октомври оваа година ги потврдил и ДНК тест.

Полицијата ги пронашла вистинските родители на девојчето, кои исто така одгледувале туѓо дете.

Имајќи во го во предвид животниот стандард во Русија, во кој просечната месечна плата изнесува околу 500 долари, надоместокот е огромен.

Двете семејства изјавиле дека размислуваат да купат нови куќи, и тоа една покрај друга, за да останат во близок контакт.