Свештениците во полскиот град Лоџ ги „благословиле“ покопите на уличните канализации во обид да ги спречат се почестите крадења на шахти...

Локалните власти го замолиле свештенството да го стори тоа затоа што улиците станале небезбедни за пешаците поради крадењето на шахтите.

Гратските власти им се обратиле на свештениците во последен, очајнички обид да ги спречат понатамошните кражби на канализациски поклопи во тој полски град.

По зачестените кражби, локалните власти тргнале 4.000 стари поколпци за шахти од улиците и ги замениле со нови, кои свештениците ги благословиле во црква.

„Со тоа што ги благословуваме поклопците, ги благословуваме и улиците и по нив шириме добрина“, рече директорот на градската канализацијаи наведе дека заштитник на Лоџ е Свети Фаустин кој „одел по улиците помагајќи им на сиромашните и болните“.

Меѓутоа, многу жители се скептични затоа што не веруваат дека молитвите и благословувањето на метални делови ќе ги спречи крадците да ги крадат.

„Наивно е да се верува дека поради неколку молитви крадците ќе се откажат од крадењето на поклопци. Нема да поминат ни месец дена, а сите до еден ќе ги снема“, рече еден жител на Лоџ.