Три полициски специјалци ќе бидат истерани од елитната антитерористичка единица, затоа што работеле како телохранители на американската старлета Парис Хилтон за време на нејзината неодамнешна посета во Полска...

„Доколку не поднесат сами оставка до крајот на неделата, ќе бидат отпуштени по дисциплинска постапка“, изјави шефот на регионалната полиција.

Припадниците на оваа специјална единица, кои обично ги кријат лицата за да не ги препознаат, мораат за било каква дополнителна работа да бараат одобрување од своите надредени.

Споменатите полицајци можат да се препознаат на фотографиите на таблоидот на кои стојат покрај популарната старлета, со службено оружје, за време на отварање на трговскиот центар во Катовица.