Sony за 1,05 милијарди ева го откупи шведскиот Ericsson во заедничката компанија...

Јапонската компанија Sony ќе ја преземе контролата над целата компанија која ја формира со шведскиот Ericsson - Sony Ericsson, специјализиран за мобилни телефони, наведено е во вчерашното соопштение на двете компании.

Sony, кој се обидува да го надокнади заостанувањето зад останатите произведувачи на „паметни“ телефони и да ја прошири својата понуда на електронски уреди, ќе откупи за 1,05 милијарди евра 50% од акциите на Ericsson во заедничката компанија.

Sony Ericsson, освнован во 2001 година, во почетокот имаше голем успех благодарение на телефоните кои овозможуваат снимање фотографии и слушање музички содржини. Компанијата во 2008 година се сврте кон Android, а денеска на пазарот со модели на „паметни“ телефони со овој оперативен систем има дел од 11%.