Полските власти повторно ја отворија истрагата за злосторствата направени во логорот Аушвиц и други блиски логори за време на Втората светска војна затоа што таа истрага од 80-тите години е затворена поради тогашната изолација на земјата во време на Ладната војна...

Повторното отварање на истрагата има за цел, покрај другото, да ги пронајде преживеаните нацистички злосторници, се наведува во извештајот кој вчера го објави институтот за национално сеќавање, државно тело кое ги истражува нацистичките и комунистичките злосторства.

Властите на нацистичка Германија во 1940 година отвориле логор во Аушвиц, неколку месеци по инвазијата на Полска. Во тек на наредните пет воени години во тој логор се убиени 1,5 милиони луѓе, во главно евреи, полјаци, роми и други.

Истрагата ја покренала гранка на институтот во Краков, кој се наоѓа недалеку од Аушвиц. За сега не е прецизирано дали истрагата ќе биде проширена и на некои други логори освен оној во Аушвиц.

Директорот на центарот „Симон Визентал“, кој ги гони нацистичките злосторници, Ефраим Зуроф, вчера ги поздрави полските власти поради повторното започнување на истрагата истакнувајќи дека тоа би можело да има „огромно влијание“ на евентуално подигање на нови обвинувања.

„Ја поздравувам секоја истрага која може да доведе до пресуда“, рече Зуроф во својата изјава.