Полицијата во Лондон започнала истрага за тоа како доверливиот извештај за смртта на пејачката е испратен „кој знае на кој“...

Документите со извештајот за околностите под кои умрела Ејми Вајнхаус, по грешка наместо на нејзиното семејство, се испратени на „неименуван граѓанин“ на потполно друга адреса.

„Дојде до грешка, и погрешна личност го добила тој извештај. Истражуваме како се случило тоа“, потврди портпаролот на Скотланд Јард.

Ивештајот „по некое време“ таа личност го предала на полицијата, но не е исклучено дека го прочитала или дури и дека копирала делови за да може да им ги продаде на таблоидите.

Ејми (27) умре во јули, под се уште неразјаснети околности. Полицијата соопшти дека во моментот на смртта не била под влијание на опојни дроги.