Бри, Линет, Сузан и Габриел и мирната улица Вистирија Лејн ќе ги заменат четири ништо помалку очајни домашни помошнички вработени во Беверли Хилс...

Авторот на серијата „Очајни домаќинки“, Марк Шери, по големиот успех со популарната телевизиска серија, за чие снимање инспирацијата ја пронашол во својата мајка, планира обработка на една мексиканска серија во која главните хероини ќе бидат слугинки.

За сега е познато дека дејството во серијата ќе биде сместено во една зграда во која се до одлуката на една од сопственичките на станот да изгради базен сè е мирно. Меѓутоа, поради базенот целата зграда останува без вода, а тогаш почнуваат и конфликтите меѓу станарите, а слугинките ќе се најдат во срцето на приказната за едно мистериозно убиство.

Речиси сè е исто, само богаташките или тие кои глумат дека се, веќе нема да бидат во центарот на вниманието.

Осмата сезона „Очајни домаќинки“, која моментално се емитува на американската телевизија, воедно е и последна.