Новиот телефон на Apple, iPhone 4S „оди како алва“...

Продажбата во петок почнала во Јапонија, Австралија, Франција, Велика Британија, Германија, САД и Канада. Во првите 24 часа продажба фирмата примила повеќе од милион онлајн порачки, додека претходниот модел iPhone 4 во исто време го порачале 600.000 луѓе, иако се нудел во помал број земји.

iPhone 4S претставен е само ден пред смртта на претседателот на Apple, Стив Џобс, и во почетокот го прогласија за разочарување затоа што не е iPhone 5, како што се очекуваше, а изгледа еднакво како и претходниот модел iPhone 4. Но, софтверот за управување со гласот, Siri, помогна новиот телефон да постигне рекорт во онлајн порачките.

Заедно со новиот iPhone повеќе од 25 милиони корисници во првите пет дена од претставувањето инсталирале нов оперативен систем iOS 5, a бесплатната услуга iCloud ја користат повеќе од 20 милиони корисници. Најновиот iPhone на 28 октомври ќе биде достапен во уште 22 земји, а до крајот на годината во повеќе од 70 земји.