Маж од Тенеси ограбил златара за време на паузата од судење за кражба...

Марк Бурген од Френклин, Тенеси, е уапсен откако ограбил златара и зел накит вреден 30.000 долари. Тоа што е најинтересно во цел случај е времето кога ја извршил кражбата - на паузата на судското заседание за случајот за една кражба во која учествувал во 2009 година.

Бурген паузата ја искористил да прошета до блиската златара... тој не се заканувал со пиштол како „опасните криминалци“, туку „господски“ се наведнал зад пултот и украл неколку дијамантски гривни и часовник „ролекс“.

Кога се обидел да излезе од златарата, го запрела работничката и му барала да го врати часовникот, за кој видела дека го ставил во џебот.

„Ми се извини, ми го врати часовникот во раката, а потоа избега“, рече работничката Џули Волтон.

По кражбата, Бурген се вратил во судот, но не пред да ја извади и сокрие „содржината од џебовите“ за детекторите за метал на влезот да не засвират. Обвинет е за првата кражба, а набргу полицајците, на пријава на сопствениците на златарата, успеале да му ја „закачат“ и кражбата од паузата за ручек.