Соочен со послабиот рејтинг од својот ривал, Џорџ Буш постариот во 1988 година дошол на идеја за потпретседател да го именува Клинт Иствуд, сметајќи дека со негова помош полесно ќе ги добие изборите...

Буш постариот губел во анкетите во однос на неговиот демократски ривал, Мајкл Дукакис и се обидувал за потпретседател да најде личност која би му помогнала да се врати во претседателската трка и да победи, тврди Џејмс Бејкер во снимката чија содржина е објавена во петок.

„Додека заостанувавме, сосема сериозно беше предложено името на Иствуд“, рече поранешниот државен секретар во администрацијата на Буш постариот, пренесуваат американските медиуми.

„Меѓутоа, таа можност брзо беше отфрлена, иако заостанувавме 18 поени во однос на Мајкл Дукакис“, додаде тој.

Поединечни обожаватели на американскиот актер и режисер, кој влезе во легендите благодарение на улогите на каубоец и полицаец, сигурно би биле воодушевени нивната омилена ѕвезда да влезе во Белата куќа.

Клин Иствуд е познат по своите конзервативни политички ставови и е наклонет на републиканската партија. За време на 80-тите, беше градоначалник на калифорнијскиот град Кармел.

На крајот, Буш го избрал младиот сенатор Ден Квејл за потпретседател и ги добил изборите.