Во Индија е претставен прототип на евтин таблет наменет за ученици и студенти...

За време на првата пробна фаза, во продажба ќе се најдат 100.000 од тие компјутери кои ќе се продаваат под цена од 26 евра (околу 1.600 македонски денари).

Се работи за уред кој го развил здружението на истражувачи од приватен и јавен сектор, го направила британската компанија Datawind, а ќе биде склопен во Индија.

Меѓутоа, некои аналитичари се скептични и истакнуваат дека проблемот со евтините уреди од тој вид е тоа што се бескорисни, наведувајќи дека, генерално гледано, екранот на новиот евтин таблет не е многу добар и дека перформансите му се лоши.

Индијскиот министер за телекомуникации и образование, Капил Сибал, сепак, истакна за време на презентацијата дека тој таблет ќе им биде од голема корист на учениците, но и оние кои живеат во руралните области.