Австралиските научници направиле таблета која би требала на луѓето што имаат проблеми со алкохолот да им помогне да останат трезни...

Авторите на студијата наведуваат дека таблетата која засега е крстена „останете трезни“ и дозволува на личноста да пие, но не и да се опие. Таа имено, во целост го неутрализира ефектот од пиење алкохол, но и мамурлакот, објави стручното списание British Journal of Pharmacology.

Научниците на универзитетот во Аделајд таблетата ја тестирале на група лабораториски глувци. Глувците кои „испиле“ таблета, не биле под влијание на алкохол иако им дале поголема количина од истиот.

„Кога глувчето ќе се опие, се однесува многу слично како и пијан човек. Моторните способности и координацијата едноставно откажуваат“, рече водителот на тимот Марк Хачинсон.

Таблетата, откако ќе се извршат уште неколку тестирања, би можела да се најде на пазарот најдоцна за три години.