Анџелина Џоли во Швајцарија доби награда за десетгодишната работа со бегалците. На примањето на наградата актерката одржа многу емотивен говор...

Актерката Анџелина Џоли како амбасадор на UN им помага на бегалците веќе десет години, а за својот труд доби награда во Швајцарија.

Анџелина ја пофали работата на агенцијата UN за работата со бегалците и јеменското здружение за хуманитарна солидарност. „Не смееме да заборавиме што се случува во овој дел од светот. Мораме да се обидеме да замислиме колку очајни тие луѓе мораат да бидат кога единствена алтернатива им е да ги ризикуваат своите животи и да ги ставаат во раце на немилосрдните криумчари“, изјави таа на сцената.

„Најмногу сум благодарна на семејствата во бегство кои имав шанса да ги запознаам и да им помогнам во последните години. Ме научија многу работи. Од нив научив како да станам подобра личност и подобра мајка. Ме инспирираа со неверојатната сила на човечкиот дух“, рече актерката.