Со оглед на тоа дека бројот на разведени бракови ширум светот е се поголем, во Мексико Сити размислуваат да донесат закон со кој младенците би можеле привремено да се венчаат...

Со новиот закон би им било овозможено на новопечените сопружници да се разделат во случај на несогласување, но без адвокати и компицирани бракоразводни судски постапки, средувања на документи, стрес...

Значи, за време на склопувањето на брак веќе нема да се заветуваат со „додека смртта не нè раздели“, туку „додека ни оди“, на пример.

Минималниот брачен договор би траел две години и би можел да се обнови.

Законот би требал да се најде на гласање до крајот на годината, а големи се шансите да биде усвоен со оглед на тоа дека предложениот нацрт има сè поголема поддршка, но и со оглед на тоа што речиси половина од браковите во Мексико Сити се завршуваат со развод во првите две години.