Модерната трагедија се случила неодамна во Иран, кога младиот пар поради режимот на државата извршил самоубиство...

Иранските Ромео и Јулија, како што медиумите ги нарекоа Нахал Сахаби (28) и нејзиниот дечко Бенхам Ганџи (22). Двајцата биле активни блогери, а се убиле во период од четири недели, затоа што властите ги затвориле бидејќи биле пријатели со еден активист за човечки права. Двајцата биле затворени во злогласниот затвор Евин, по што ги завршиле своите млади животи.

Бенхам студирал физика на универзитетот во Теран, а цимер му бил активистот кој во 2009 година бил уапсен поради сведочење против претседателот Ахмадинеџад. Но, и по апсењето бил активен, па го исфрлиле од факултетот. Полицијата најпосле провалила во станот на младичот и ги уапсила двајцата, а неколку дена подоцна и девојката на Бенхам и мајката на цимерот.

Не е познато што му се случило на Бенхам во затворот, но излегол како скршен човек. Пријателите за медиумите кажале дека го тепале и го присилиле да го обвини цимерот како член на криминална организација. Се појавиле информации дека и двајцата биле силувани во затворот од страна на стражарите.

Како и да е, Бенхам на 1 септември извршил самоубиство предозирајќи се со голема количина на лекови, а неговиот цимер веќе никој не го видел иако во затворот тврдат дека го пуштиле на слобода.

Сахаби, покрај другото воспитувачка во детска градника не била истрауматизирана во затворот како Бенхам, но живеела во постојан страв од силување затоа што чуварите ѝ се заканиле дека ќе ја „обесчестат“. Откако дознала за смртта на нејзиниот дечко, не се двоумела туку и самата испила лекови. „Уште еден четврток. Одиме Бенхам, ајде уште еднаш да заиграме заедно“ е последното нешто што го напишала на својот блог.