Актерката Лејша Хејли била исфрлена од авионот затоа што разменувала нежности со својата девојка...

Лејша по инцидентот кој се случил минатата ноќ, на својот Твитер профил напишала дека била жртва на дискриминација и хомофобија и дека тоа што и се случило е нечуено!

Лејша (40) тврди дека стјуардесата и пријдела и „и објаснила“ дека компанијата Southwest Airlines е семејна компанија и дека лезбејско бакнување е неприфатлив вид на однесување. Нејзината партнерка и таа потоа биле „испратени“ од авионот затоа што се побуниле против таквиот став и однесување.

И авионската компанија се огласи во врска со инцидентот и во своето соопштение навела дека реагирале така затоа што неколку патници се жалиле дека однесувањето на актерката и нејзината партнерка е недолично и претерано.