Туристите во Рим веќе нема да можат да се фотографираат со „живи статуи“. Градската власт вели дека во тоа нема ни „у“ од уметност, па „живите статуи“ ќе бидат забранети...

Културните активисти на Рим планираат да ги забранат „живите статуи“ - уметници кои со часови стојат на улица во иста положба имитирајќи статуи, наведувајќи дека нивните изведби немаат никаква уметничка вредност, пренесуваат италијанските медиуми.

„Живите статуи не претставуваат никаква уметничка активност и не можат да се споредат со мимичарите, а нивниот настап обично се сведува на изнудување пари“, рече Фредерико Моликоне, член на градската управа задолжена за култура.

Најавената забрана е дел од поширок предлог за мерки чија цел е регулирање на уличните активности во италијанската престолнина.

Доколку новиот закон биде усвоен, полицијата, меѓу другото, ќе може да ги заплени инструментите и да засилувачите на уличните музичари кои веќе нема да можат да прават бука по 22 часот.