Уште точно не се знае кои новитети ќе ги донесе iPhone 5, но тоа што е сигурно вест е дека ќе и биде претставен на светската јавност на 4 октомври од страна на Тим Кук, кој го замени Стив Џобс на местото на извршен директор на компанијата Apple...
Стив Џобс се повлече на 25 август, поради нарушено здравје или нешто друго, а во компанијата која ја основал во 1976 година остана само како претседател на управниот одбор.
На негово место, или подобро кажано на местото на извршен директор, затоа што за многумина Џобс е незаменлив и засекогаш ќе остане синоним за Apple, дојде Тим Кук.
Првата задача на новиот директор ќе биде на 4 октомври да го претстави новиот мобилен телефон iPhone 5. Тоа ќе биде првата презентација на Apple производ од 2009 година без Џобс.
Љубителите на Apple уредите сега се љубопитни не само тоа како ќе изгледа и кои новитети ќе ги има iPhone 5, туку и тоа дали Кук ќе биде шармантен и духовит како што беше Џобс.
