Кога се работи за кондомите за Јужноафриканците, изгледа дека големината е и повеќе од важна...

Јужна Африка имено, со 5,6 милиони ХИВ позитивни личности на помалку од 50 милиони жители, има најмногу заболени од ХИВ во светот.

Јужнoaфриканскиот суд вчера донел одлука да се стопира увозот на 11 милиони кондоми од Кина. Причина - премали се и направени се од погрешен материјал, а не ги одобрила ниту Светската здравствена организација.

Судијата Сулет Потерил од Високиот суд во Преториј пресудил против одлуката на Министерството за финансии која на една фирма и дозволила увоз на кондоми од Кина. Тужбата ја поднела конкурентската фирма откако изгубиле и не добиле работа на натпреварот, иако нивните кондоми се за 20% подолги од кинеските.

Судијата рекол дека се работи за важна работа затоа што дистрибуцијата на кондоми е витална за сопирање на ширењата на СИДА и несакани бремености. Исто така, кинеските кондоми се изработуваат од полиуретан, а не од нитрилна гума.