Амазон преговара со големите издавачки куќи за услугата изнајмување дигитални книги со претплата...
Онлајн библиотеката би ги содржела старите наслови, а корисниците би и пристапувале со претплата на услугата Amazon Prime преку која моментално може за 79 долари (58 евра) годишно да ги добијат порачените производи за помалку од два дена без додатни трошоци и пристап до каталогот за филмови и серии, пренесе француската новинарска агенција AFP.
Меѓутоа, Wall Street Journal објави дека извршните директори на издавачките куќи не го делат ентузијазмот на Амазон во врска со онлајн библиотеката, затоа што мислат дека тоа би можело да ја намали вредноста на книгата и да штети на односите со другите дистрибутери.
