Пејачката откажува уште концерти, поради проблеми со бронхитисот...

Адел неодамна мораше да откаже неколку настапи затоа што се разболе, а очигледно е дека се уште не се чувствува најдобро, затоа што ги откажала концертите и на 10 и на 11 септември.

„Со жалење ве известуваме дека Адел нема да може да настапи, затоа што има сериозни проблеми со настинка и инфекција на дишните патишта“, соопштија нејзините портпароли.

Британските медиуми пишуваат дека пејачката, која повеќе пати има кажано дека не сака да настапува затоа што има големи проблеми со тремата, можеби ги лаже своите фанови и прави изговор со болестите затоа што не може да го поднесе притисокот кој доаѓа со настапите.

Од Адел наскоро се очекува да ја сними новата музичка тема за новиот филм за Џејмс Бонд.