Британската пејачка Ејми Вајнхаус, во моментот на смрт во организмот имала само еден медикамент, препишаниот лек Librium за алкохолна детоксикација, изјави вчера нејзиниот татко...

Мич Вајнхаус во разговор со уредникот на CNN, Андерсон Купер, изјави дека неговата ќерка немала илегални супстанци во организмот во моментот на смртта.

„Тоа што и се случи на Ејми, немаше никаква врска со дрога“, рече нејзиниот татко.

Кога Ејми Вајнхаус одненадеж умре на 23 јули, нашироко се претпоставуваше дека срмтта е поврзана со нејзиниот долгогодишен проблем со зависност од дрога и алкохол. Токсиколошкото откритие од обдукцијата е објавено минатиот месец и покажа дека во организмот имала малку алкохол, но никакви илегални супстанци.

Единствен лек кој е пронајден во организмот е мала количина Librium, лек кој се користи за надминување на зависничките кризи од алкохол кој на Ејми и бил препишан од нејзиниот лекар, рече нејзиниот татко.

Разговорот со Андерсон Купер е првото поголемо интервју кое некој член од семејството Вајнхаус го има дадено по смртта на Ејми. Снимениот разговор ќе биде целосно емитиран во понеделник, на 12 септември.