Актерот Роуан Атинксон вели дека се простил од својот блесав херој...

Аткинсон (56) изјави дека е „премногу стар“ за повторно да го глуми шашавиот Мистер Бин, кој со години ја забавуваше публиката ширум светот.

„Мистер Бин е дете во тело на остарен човек, но мислам дека не би можел да се вратам во таа улога. Секогаш го замислував како лик од цртан филм, а тие не стареат“, рече Аткинсон во Сиднеј, каде го промовира својот нов филм „Џони Инглиш: Повторно роден“.

Мистер Бин прв пат се појави во 1990 година, во истоимената серија на каналот ITV, која траеше пет години, а неговите авантури се преточени и во два филма - „Бин: Целосна катастрофа“ од 1997 година и „Мистер Бин на одмор“ од 2007 година.

Бидејќи Аткинсон вели дека „остерел“, веројатно не би можел повторно да ги изведе акробациите кои Мистер Бин ги изведуваше во неговите златни денови.