Норвешката полиција упасила дедо кој мртов пијан се возел во инвалидска количка по автопат, и тоа во спротивна насока...

Маж стар 84 години, чие име не е соопштено, испил поголема количина алкохол, а потоа со инвалидска количка на електричен погон тргнал од својата куќа во Порсгрун по автопатот.

Протатнел низ тунелот долг речиси 200 метри, а потоа ја свртел количката и тргнал назад низ истиот тунел, каде го пресретнале два автомобили чии запрепастени возачи ја повикале полицијата.

На старецот му е направен алко-тест на лице место, и му е одземена возачката дозвола.

„Беше очигледно дека е под влијание на алкохол, но не знаеме што да правиме со него, затоа што количката на спаѓа под законот за моторни возила. Евентуално ќе плати парична казна, затоа што пешаците и количките не смеат да се движат по автопатот“, рече Кјел Ове Љосак од локалната полиција.