Еден французин морал да и плати отштета на својата, сега поранешна, сопруга која го тужила дека не си ја „гледал работата“ во бракот...

Оваа бизарна вест ја објавил еден француски весник, наведувајќи дека 51 годишниот маж од Ница е осуден да плати голем изност пари затоа што не „водел љубов доволно пати“ со својата, сега веќе поранешна сопруга.

Тие двајца се развеле по 21 година брак, а судот во Екс ан Прованс одлучил да го казни поранешниот сопруг кој со години немал било какви сексуални односи со сопругата иако се оправдувал со умор и здравствени проблеми.

Законот е закон, пишува весникот, наведувајќи дека францускиот кривичен закон бара од сопружниците да го почитуваат „заедничкиот жиовт“, што подразбира да имаат редовни сексуални односи.