Вработените во компанијата Apple навистина се расеани. Пред само година дена во една пивара во Америка случајно го оставија прототипот за iPhone 4. Сега од барот Cava22 излегле без iPhone 5...

Инцидентот се случил, според пишувањето на неколку сајтови, пред месец дена, но до сега успешно е чуван од јавноста.

Во случајот е вмешана и полицијата со оглед на тоа дека заборавените работници од Apple не знаеле каде го „напикале“ прототипот за еден од најскапите и најпопуларни телефони на светот.

Полицијата, наводно, ја пребарала куќата на човекот за кој се сомневале дека бил во мексиканскиот бар во исто време со заборавените работници од Apple, и дека прототипот е кај него, но никој од службениците не сакал да ги коментира тврдењата на сајтовите за тој случај.

Тоа што секако се знае е дека Apple наскоро ќе го претстави iPhone 5, како и дека уредот се тестира надвор од Apple кампусот во Сан Франциско, значи и во урбани средини.

А што вели сопственикот на барот во кој, наводно, е заборавен прототипот?

„Ќе морам да им нудам малку послаби пијалоци на своите гости“, вели Хосе Вале, соптвеник на барот Cava22.