Во цела Калифорнија се прекина продукцијата на порно филмови, затоа што тестовите покажале дека еден од актерите е ХИВ позитивен...

Првото навестување е потврдено во сабота, но се чекаше повторување за да бидат сигурни. Директорката на Free Speech Coalitiona, Дијана Дјук, не сакаше да открие никакви податоци за заразениот актер поради неговите права како личност заболена од ХИВ, но истакна дека на ХИВ тест ќе бидат подложени сите актери кои биле во контакт со заразениот, како и нивните приватни партнери. Дјук рекла дека се надева дека ХИВ е воочен на време и дека нема да има повеќе заболени.

Слична ситуација се случи и кон крајот на минатата година, кога со ХИВ беше заразен актерот Дерик Бартс. Целата индустрија за снимање на порно филмови исто така прекина, а Бартс зеде адвокати и започна борба сите актери задолжително да користат кондоми. Барањето се темелеше на тврдењето дека филмскиот сет е нивно работно место, и дека тие мораат да носат кондоми како и медицинските сестри кои носат ракавици за да се заштитат од телесните течности.