Сервисот Skype WiFi сега е достапен и за корисниците на iPhone и iPad на компанијата Apple...

Skype ја лансираше апликацијата Skype WiFi за мобилниот оперативен систем iOS, кој на сопствениците на iPhone и iPad ќе им овозможи интернет пристап преку WiFi hotspot-овите на аеродроми, станици, хотели и ресторанти.

Во Skype WiFi програмата учествуваат неколку десетици провајдери и околу милион hotspot-ови ширум светот. Услугата за пристап на интернет се наплаќа, со тоа што цените кои ги одредува провајдерот, почнуваат од шест центи за минутка конекција. Парите се симнуваат од сметката на корисникот на Skype.

Сервисот Skype WiFi порано им беше достапен само на корисниците на Skype апликацијата за Windows, Mac OS X или Linux, а за сега не се најавува дали ќе им биде овозможен пристап на други мобилни платформи.

Број на регистрираните корисници на Skype надиминува 700 милиони. Во почетокот на август, Skype ja претстави апликацијата за таблет компјутери iPad и започна видеоконекција за поголемиот број паметни телефони со Android платформа.