Брачен пар, по 69 години среќен брак во доба над 90 години старост, одлучил да престане да конзумира храна и вода, за да можат да умрат заедно...

Армонд и Дороти Рудолф од Ново Мексико во САД, сакале да се поштедат од лошо здравје, понижување, а сакале да ја избегнат и деменцијата во својата длабока старост. Армонд умрел во 92-та, а Дороти во 90-тата година од својот живот. Армонд умрел само еден ден пред својата сопруга.

Двајцата биле тешко болни, Армонд имал постојани болки во ’рбетот, додека неговата сопруга Дороти била речиси целосно неподвижна. Нивниот син Нил рече дека не сакале да поминуваат низ понатамошно здравствено пропаѓање и да ја изгубат независноста за грижа за самите себе. Покрај се, ги исфрлиле од домот за старци, што Дороти тешко го поднела.

„Телата ни претрпнаа. Наведете ја која болест сакате, јас ја имав“, зборувала Дороти, која сопругот го запознала во црква, додека имала неполни 15 години. Целиот свој живот, од тогаш, го поминала со него.

Професионалците нивниот избор за умирање го процениле како релативно безболен. „Поголемиот број луѓе престануваат да чувствуваат глад по неколку часа. Понекогаш чувствуваат еуфорија поради промената во метаболизмот. Тоа е мирен начин за умирање“, истакна докторката Мохана Карликар.