Фејсбук ги „краде“ телефонските броеви од вашиот мобилен телефон...

Корисниците на Фејсбук се соочени со нова безбедносна закана. Доколку ја користите популарната социјална мрежа, преку апликација за некои од паметните телефони, Фејсбук при синхронизацијата ги „симнува“ телефонските броеви кои ги имате зачувано во телефонот!

Оваа вест се прошири на интернет со брзина на шумски пожар, а не требаше долго ни да почнат шпекулациите дека листата со вашите телефонски броеви е лесно достапна за сите останати корисници на Фејсбук. Тоа многу брзо е демантирано во соопштението за јавноста кое го објави Washington Post.

„Гласините според кои вашите контакти се видливи на сите кои се на Фејсбук се лажни. Нашата листа на контакти постои одамна. Телефонските броеви кои се наоѓаат таму вашите пријатели веќе самите ги објавиле на Фејсбук или го имаат синхронизирано својот телефон со Фејсбук. Баш како и на вашиот телефон, вие сте единствените кои можете да ги видите овие броеви“, порачуваат од Фејсбук.

Но, доколку и понатаму сте загрижени дека Фејсбук ги краде вашите телефонски броеви и им ги покажува на целиот свет, листата контакти можете да ја избришете на овој линк.