Осумнаесет работници во компанијата Smart Technology од Канада одненадеж добиле отказ, но после тоа не тагувале туку купиле лотарија и освоиле џек-пот - седум милиони долари...
Компанијата, која произведува електронски плочи, најави масовни отпуштања во вторник, но Колин Вилард и неговите 17 колеги не тагувале премногу туку решиле да купат лотарија.
Кога во четврток наутро Вилард ги проверил добитните броеви не можел да си верува на очите.
„Почнав да се тресам. Не можев да верувам, па ги замолив поминувачите да ми потврдат дека тоа се броевите“, вели Вилард.
Тој и неговите 17 колеги сите освоиле по 400.000 долари.
„Планирам да ја платам хипотеката и останатите сметки, а камионот ќе го заменам со нов автомобил“, вели Вилард, а неговиот колега Тони Матер рече дека се свесни за фактот дека 400.000 долари не ги прави богати, но сепак им дава една доза на сигурност.
