Фејсбук почна со укинување на профилите на луѓето кои се осудени на затвор...

Фејсбук почна со затварање на профилите на калифорнијските затвореници откако осуден злоставувач на деца ги гледал профилите на своите жртви за време на престој во затворот. Фејсбук потврди дека затворил најмалку два профили на затвореници, а се проверуваат и останатите профили на кои се пристапувало од затвор.

„Пристапот до социјалните мрежи им овозможува на затворениците да го заобиколкат нашиот надзор систем и да продолжат да се занимаваат со криминални активности. Оваа нова соработка меѓу силите на закон и ред и Фејсбук ќе ја заштити заедницата и ќе спречи да се дојде до нови жртви“, изјави секретарот на калифорнијскиот оддел за казна и рехабилитација, Метју Кејт.

Иако не е противзаконско затворениците да имаат Фејсбук профили кои се креирани пред затворот, забрането им е да ги надоградуваат или менуваат откако ќе се најдат зад решетки. Водачите во калифорнијските затвори велат дека постојат докази кои упатуваат дека затворениците сепак пристапуваат до своите профили на Фејсбук или во тоа им помага некој од надвор.

Често користат социјални медиуми за да праќаат закани или да практикуваат сајбер-секс. Затворениците немаат пристап до интернет, па најчесто се поврзуваат преку мобилните, иако власта се обидува да ги спречи во тоа.