Материјалот кој Стиг Ларсон го напишал пред својата ненадејна смрт, сепак нема да биде преточен во продолжение на серијалот...

Ларсон, автор на трилерите „Мажи кои мразат жени“ (или „Девојката со тетоважа на змеј“), „Девојката која си играше со оган“ и „Кула од карти“ (или „Девојката што го урна осилото“), наводно напишал уште два романи, но неговите ракописи беа мета на расправии со неговото семејство, со кое не бил во добри односи, и долгогодишната девојка Ева Габриелсон.

На големо жалење на верните фанови на трилогијата „Милениум“, Габриелсон истапила и јавно демантирала дека Ларсон одвај имал материјал за нов роман, а не па дури за два.

„Вкупно постојат околу 200 страници од несредениот ракопис. Стиг пишуваше сцена по сцена, и дури подоцна се грижеше како ќе ги поврза. Неколку стотина страници нафрлени сцени не се роман“, рече таа.

Ларсон ненаденјо умре од инфаркт во 2005 година, во очи на објавувањето на првиот дел од својата популарна сага. Во Шведска се снимени филмвои по сите три книги кои наидоа на одлични реакции од публиката и критичарите, а Холивуд моментално снима своја адаптација.