Тинејџерот кој во драматична акција на спасување го ископаа од песокот на плажата во Калифорнија рече дека бил уверен дека ќе умре...

17 годишниот Мет Мајна ископал дупка длабока 1,82 метри и во еден момент бил прекриен од песок. Жив закопан поминал во песокот повеќе од половина час пред да го ископаат спасувачи, службеници на Брзата помош и луѓе кои се затекнале на плажата.

Мет во Калифорнија дошол од Вирџинија во посета на тетка му и одлучил да го помине денот на плажата со постариот братучед и неговите пријатели. Му паднало на памет дека би било згодно да направи јама во песокот, но се тргнало на лошо. Кога го поклопила огромна количина песок, со главата успеал да направи воздушен џеб, но го фатила паника затоа што сфатил дека е доста скриен од погледите на останатите присутни на плажата и дека можеби никој нема да виде што всушност се случило.

По неколку минути изгубил свест, а последното нешто на што помислил била неговата мајка. За среќа, неговиот братучед набрзо тргнал да го бара и забележал дека ја нема јамата во која овој бил до пред неколу моменти. Веднаш почнал да копа, но на погрешна страна. Ископал поголема дупка, но потоа песокот го повлекол и него до половината. Го извлекол пријател и веднаш почнала акцијата за спасување. Луѓето во паника копале дури и со детски пластични лопати и со опрема за нуркање.

Се придружиле и сурферите кои биле во близина, а набргу дошле и спасувачите. Им требало нешто повеќе од половина час да го извлечат младичот кој бил во несвест. Како што јавува AP, момчето сега е во добра состојба.