Еден швеѓанец заработил казнена пријава откако полицијата открила дека во сопствената кујна планирал да изгради нуклеарен реактор...
Полицијата од шведскиот град Ангелхолм добила известување од нуклеарна станица која била контактирана од некој маж кој прашал дали постои забрана за поединците во домот да изградат нуклеарен реактор.
Неименуваниот нуклеарен ентузијаст купил радиоактивни материјали заедно со Geiger-ов бројач кој го порачал од САД. Се опремил и со детектори за дим кои содржат мала количина нуклеарен материјал.
Преку интернет ги добил бараните информации, па ги фотографирал и исто така преку интернет ги покажал своите експерименти во кујната. На новинарите им рекол дека во скоро време планирал да изгради вистински нуклеарен реактор.
