Британскиот премиер, Дејвид Камерон, кој со семејството е на летување во Тоскана, многу се изненадил кога келнерка од локалното кафуле му рекла сам да си го донесе пијалокот...

Камерон побарал од 27 годишната келнерка, Франческа Аријани, пијалокот да му го донесе на масата на терасата, каде што седел со сопругата Саманта. Таа му одвратила дека е презафатена и му рекла сам да си го однесе капучиното на терасата.

„Ужасно ми е непријатно. Не го препознав, не знаев дека тоа е Дејвид Камерон. Многу ми е жал што излегов непријатна, не ми беше тоа намерата, навистина бев во голема гужва“, раскажа келнерката Франческа.

Додаде дека му рекла на премиерот, кој нарачал експерсо и две капучина, пијалокот сам да си го однесе на теразата затоа што таа работи зад шанкот. Британскиот премиер причекал таа да ги направи кафињата и сам ги однел на масата на терасата. „Беа таму ушто некои пет минути, а потоа заминаа. Плати со 50 евра и не остави бакшиш“, рече келнерката.

Семејството Камерон е на одмор со уште две семејства, во вила со 15 соби чие изнајмување чини 10.000 фунти на недела. Луксузната вила се наоѓа на винската плантажа Петроло, во близина на домот на Стинг.