Извори блиски на семејството тврдат дека Ејми умрела затоа што ги игнорирала упатствата на лекарот дека мора постепено да се лечи од зависноста од алкохол...

Семејството на Ејми Вајнхаус тврди дека таа целосно се откажала од алкохолот и дека последните три недели била „чиста“. Наведуваат дека тоа била вистинската причина за нејзината смрт затоа што нејзиното слабо тело не можело да го поднесе тој нагол шок. „Апстиненцијата од алкохол го изненади нејзиното кревко тело и тоа на крајот беше причината за нејзината смрт“, рече извор, близок на семејството.

Но, изгледа дека Ејми сепак потклекнала, затоа што само неколку дена пред смртта видена е на фестивалот на iTunes во Roundhouse во северниот дел на Лондон, како пие џин и Ред Бул. Нејзиниот татко, Мич, пак е уверен во спротивното. „Мич рече дека е шокантно тоа што со години се обидувала да се излечи, и кога најпосле успеала во тоа, тоа било едноставно премногу за нејзиното тело“, рече близок извор на семејството.

Тестовите од обдукцијата ќе бидат објавени за неколку недели и дури после нив ќе се знае вистинската причина за смртта на Ејми Вајнхаус.