Шише бело вино старо 200 години е продадено за 83.615 евра, со што е поставен нов Гинисов рекрод...

Купувачот на шишето шато диквем од 1811 година е првиатниот колекционер Крисијан Ванек, поранешен сомелиер во ресторанот La Tour D'Argent во Париз.

Ова вино е едон од најфините и најскапи слатки бели вина, а винските ентузијасти посебно ја ценат серијата од 1811 година.

„Ова вино е многу посебно, едно од најпознатите бели вина на светот. Произведено е во годината на големата комета, а се верува дека тоа го подобрува квалитетот на виното“, рече Ванек. Тој додаде дека ова ретко вино до сега е тестирано три пати и дека секој пат добило максимални пет ѕвездички, а високата концентрација на шеќер му обезбедува долг век на траење.

Виното ќе биде изложено во наредните шест години во ресторанот на Ванек на Бали, во непробоен сандак во кој се контролираат температурата и влажноста.