Таа рече: „Ќе мислам за тоа утре“, но тие кои се задолжени за холивудските филмски костими за нив мислат веќе денеска. Еден од најпознтите холивудски фустани, оној зелениот од филмот „Однесени со виорот“, ќе биде зачуван од забот на времето...

На фустаните од филмот „Однесени со виорот“, сега работат професионални уметнички конзерватори кои се специјализирани за холивудси костими.

Така незаборавниот фустан кој Скарлет (Вивиен Ли) го направи од зелените сомотски завеси за да го фрли на колена Рет Батлер (Кларк Гејбл), наскоро ќе биде како нов и подготвен за покажување на изложбата во 2014 по повод обележување 75 години од настанувањето на филмот „Однесени со виорот“.

Со зелениот фустан ќе бидат изложени уште пет од тој филм, кој е базиран на истоимениот роман од Маргарет Мичел, а во режија на Виктор Флеминг.