Компјутерски хакери упаднале на веб страницата на најдобро продаваниот британски таблоид од медиумското царство на Руперт Мурдох, The Sun, и му ја смениле насловната страница објавувајќи на неа дека сопственикот на медиумската куќа, околку кој последните неколку денови се крена вистинска медиумска бура поврзана со прислушкување во режија на нејзините новинари, е мртов...
Хакерите ги упатиле посетителите на таа страница и на страницата на Twitter на хакерската дружина Lulz Security, која станала позната по неколку хакерски провали на веб-страниците Sony Corp., CIA и Fox TV, во сопственост на News Corp.
„Го поседуваме Sun/News of the World“, објави на Twitter вчера доцна навечер дружињата LulzSec, додека на интернетската страница на The Sun денеска стои насловот „Откриено е телото на медиумскиот магнат“. News International, британскиот ортак на News Corp на Мудрох, е средиште на скалдалот во врска со телефонското прислушкување кое го потресе нејзиното медиумско царство, британските политичари и членовите на полицијата.
Порано вчера член на LulzSec дружината под името Sabu извести дека хакерите „седат на мејловите на Sun/News of the World“ и дека денес ќе објават соопштение. Sabu исто така почна да пишува на Тwitter тоа што според неговите наведувања претставуваат детали за контакти и лозинки на вработените во News International, вклучувајќи ја и извршната уредничка Ребека Брукс, но не е можно да се провери дали се работи за вистински податоци. News International објави дека фирмата е „свесна за тоа што се случува и дека нејзините технички тимови работат на тоа“.
